Cebu City- (Update)Luwas ug naa na sa mga kabanay niini ang 3 anyos nga na batang lalaki human naka-angkon og mga minor injuries subay sa pag-ambush patay sa iyang mga ginikanan Miyerkules sa buntag sa may CPG East Avenue, Brgy. Bool Tagbiliran City, Probinsya sa Bohol.
Una niini, sakay sa ilang delivery van ang bata kauban ang iyang amahan og inahan sa dihang gibanhigan kini sa wala pa mailhing suspect.
Dead on the spot si Mark Saavedra, 36 anyos samtang nakabsan gyud sa kinabuhi ang asawa niini nga gidala sa tambalanan nga giilang si Denise Saavedra 27 anyos ug nagpuyo sa lungsod sa Baclayon, Bohol.
Matud ni PO2 Alvin Torente, ang imbestigador sa kaso nga ang target lang sa mga suspect mao si Mark. Milapos matud pa ang bala nga miigo sa ulo ni Mark ngadto sa iyang asawa nga niadtong higayona tapad niini sa front seat. Human sa pagpamusil nadasmag ang sakyanan sa usa ka poste hinungdan nga nakaangkon og mga samad ang 3 anyos nga anak sa biktima nga naa likod nga bahin naglingkod.
Migawas sa imbestigasyon nga ang napatay nga si Mark usa ka notadong kawatan sa kauluhan ug usa na usab karon ka businessman. Una na kini nga naaresto niadtong tuig 2015 pinaagi sa warrant nga gisilbi sa Bacoor ug Pampangga PNP sa kasong robbery apan nakapiyansa kini samtang nagpadayon ang kaso.
Sa karon, daghan og anggulo ang gilantaw nga motibo karon sa Tagbilaran PNP. Posible matud pa nga duna kini kalambigitan sa pagkanotadong kawatan, sa iyang aundry business ug sa daghan o dagkong kantidad nga mga utang.
