80 ka mga firearms nga gilubong ug gisulod sa sako nadiskubre sa Talisay PNP

Cebu City-Muabot sa 80 ka mga armas ang narekober sa Talisay PNP nga giingong gilubong ug gisulod pa sa sako sa may Sitio 5 Brgy. Campo 4 dakbayan sa Talisay Cebu.

Una niini, nakadawat og tawag ang Talisay Police Station gikan sa usa baranggay official nga nag-ingong dunay mga armas nga nadiskubre. Nakita matud pa kini sa mga bata nga nangahoy.

Gisulod matud pa ang mga 38 caliber pistol sa 4 ka sako.

Samtang padayon karon ang imbestisgasyon sa Talisay PNP kung kinsa ang nanag-iya niini ug diin gikan ang naasoy nga mga armas.