Cebu City-Mukabat sa 1.7 million pesos ang kantidad sa shabu nga nasakmit atol sa buybust operation nga gipahigayon sa Keven Residences Brgy. Kalunasan niining dakbayan.
Nasikop ang subject nga giilang si Lorry Jenn Pitong, 22 anyos ug residente sa 209 A lopez St. Brgy. Mahayahay niining dakbayan.
Nakuha gikan niini ang 3 ka dagkong pakete sa shabu,20 ka medium pack ug 1 ka gamay nga pakete sa shabu diin sa kinatibuk-an duna kini gibug-aton nga 250 grams ug dunay DDB Value nga 1,700,000 pesos.
Nasayran nga dako ang area of distribution sa subject ug matud pa makadispose kini og 50-60 gramos nga shabu matag semana. Milanat sa 2 ngadto sa 3 ka buwan ang pag surveillance sa subject sanglit matud pa idlas kini.
Sa pagkakaron, padayon nga gisuta ang tinubdan sa shabu nga nasakmit gikan sa subject samtang gihikay na ang kaso nga ipasak batok niini.
