Cebu City- Muabot sa dul-ansa P1.4 million nga kantidad sa shabu droga ang nasakmit sa Talisay PNP sa usa ka buybust operation sa Brgy. Lawaan 1, dakbayan sa Talisay probinsya sa Sugbo.
Nasikop si Phillip Gogotanio Abella, 28 anyos, ug residente sa Brgy. Buhisan, dakbayan sa Sugbo.
Matud sa team leader sa operasyon nga si PCI Keith Allen Andaya nga basi sa ilang imbestigasyon mituyo lang matud pa pagtabok sa sa laing dakbayan si Abella para ipahigayon ang pagbaligya sa iligal nga drogas.
Narekober gikan niini ang 23 ka mga pakete sa gitoohang shabu nga dunay timbang nga 205 grams ug nagkantidad sa P1,394,000.
Dugang pa niini, ipaubos usab sa imbestigasyon si Abella kung diin gikan ang gibaligya niini nga drogas.
Mag-atubang og kasong dunay kalapasan sa Republic Act 9165 o Comprehensive Dangerous Drugs Act ang nasikop
