CEBU CITY-Giunay sa paglugos sa uyuan ug duha ka menor de edad nga ig-agaw ang usa ka 9 anyos nga Grade II pupil sa lungsod sa Argao, Cebu.
Matud ni SPO1 Vivian Tamayo sa Women and Children Protection Desk sa Argao Police station gibutyag niini nga unum ka mga lalaki ang nagpuli puli og lugos sa biktima niadtong Marso 25 sa hapon . Lakip sa mga suspek ang 48 anyos nga uyuan sa biktima, ang 17 ug 14 anyos niini nga ig-agaw , ang duha ka construction worker nga taga dakbayan sa Sugbo ug laing usa pa ka kauban sa mga suspek.
Gisaysay matud pa sa biktima nga si Inday (dili tinuod nga pangalan) ngadto kang SPO1 Tamayo nga niadtong higayuna gidala kini sa iyahang uyuan sa kalibunan dayun miapas ang lima pa ka mga suspek. Gihapnigan lang matud pa og saging ang yuta ug didto na mipuli puli sa pagpanamastamas ang mga suspek sa biktima.
Una matud pa nga gihimuslan sa uyuan ang biktima ug gisundan sa upat pa ka mga suspek. Katapusan unta nga mupahimulos niini mao ang 14 anyos apan wala kini midayon human niini nakit-an nga nagkadugo na ang kinatawo sa bata. Ang uyuan mismo matud pa ang mipailis sa bata ug miaswat niini dala pauli sa ilang balay.
Gisaysay usab ni alyas Inday nga wala kini nakahigayon nga makadagan sanglit gikuptan sa iyahang tiyo ang iyahang kamot ug buhian lamang sa higayon nga mupuli na usab ang laing suspek. Pagka-ugma , namatikdan na lamang sa mga magtutudlo ni alyas Inday nga naglisud na kini sa paglakaw hinungdan nga ila kining gipangutana og sa dihang mitug-an ang bata dali nila kini nga gidala sa Municipal Social Welfare and Development officer sa lungsod nga mao usab ang nakig-alayon sa kapulisan alang sa imbestigasyon.
Sa pagpahigayon ug imbestigasyon, mitakdo usab ang estorya sa biktima ngadto na sa mga nakit-an sa kapulisan sa lugar nga giingon gidalhan kaniya sa mga suspek. Nasikop ang upat sa unum ka mga suspek samtang padayon ang hot pursuit operation sa Argao PNP sa duha nga nagpabiling atlarge.
Nasuta usab sa kapulisan nga dili kini ang unang higayon nga gipahimuslan sa uyuan si Inday sanglit matud pa sa magtutudlo niini nga grade 1 palang ang bata gisugdan na kini sa pagpahimulos sa uyuan niini. Nasayod usab ang inahan sa nahitabo sa iyahang anak apan wala kini gibuhat ng aksyon hinungdan nga pasakaan usab kini sa kapulisan og kaso gumikan sa pagpabaya niini sa iyahang anak.
Giangkon usab sa uyuan ang ibuhat niini kang Inday apan rason niini nga ang biktima maoy mag una una og duol kaniya og magghubo sa iyahang sinina.Samtang gihimaka sa laing tulo pa ka mga dinakpan ang pasangil batok kanila.
Naa na karon sa usa ka home care facility ang bata samtang giandam ang kaso nga ipasaka batok sa mga suspek.
