FLORIDA, USA – Miabot na ba ang panahon nga gitestingan sa Ginoo ang imong pagtuo? Kini ang nasinati sa mga batan-on sa Florida, USA diin nabanlod sila sa kusog nga balod sa dagat ug nagpakitabang sa Ginoo.
Una niini, nag-swiming ang managhigala nga silang Tyler Smith ug Heather Brown, parehong nag-edad og 17 anyos, sa Vilano Beach.
Samtang nag-swimming, kalit lang nga nabanlod sa kusog nga balod ang 2 ka managhigala ug miabot kini sa tunga-tungang bahin sa kadagatan.
Sa dihang nag-utawutaw silang Brown ug Smith sa dagat, nagpatabang sila sa Ginoo ug nag-ampo.
Nadunggan ang ilang mga pag-ampo sa dihang miduol kanila ang usa ka barko nga ginganlan og “The Amen”.
Tungod niini, naka-ingon sila og “Amen” diin gi-rescue sila sa mga kawani sa maong barko.
Matud ni Brown, nga tinuod gayud nga adunay Ginoo human nakita ang maong barko.
Gidugang usab ni Smith nga wala nay lang mas makagagahum pa sa Ginoo.
Ug anaa na sila sa luwas nga kahimtang human sila gi-rescue sa barkong “The Amen”.
