CEBU CITY– Nakadaog ang kanhi station manager sa Bombo Radyo Cebu isip mayor sa alkalde sa Tudela, Camotes, lalawigan sa Sugbo.
Sa pakighinabi sa Bombo Radyo kang Greyman Jojo Solante, giingon niini nga gikalipay niya nga siya ang gipili sa mayorya sa mga taga Tudela.
Matud niini nga interes sa mga tao ang iyang gisulong ug gisaad niini nga mamahimong istrikto sa pagpatuman sa mga balaud sa lungsod.
Isip Mayor, gihimiug-atan niini nga kinahanglan ang hugot nga lebel sa disiplina para sa mga tao, butang nga iya matud pang nakat-unan sa 24 ka tuig niya nga pagtrabaho sa Bombo Radyo.
Sigon ni Solante nga dako ang matabang sa iyang nakat-unan sa Bombo Radyo isip usa ka public official nga pareho nga nagserbisyo sa publiko.
Gawas sa iyang mga supporters, dako usab ang pasalamat ni Solante sa mga nagdumala sa Bombo Radyo Philippines sa pagtulun-an ug sa kaalam nga iyang gidala-dala hangtud karon. (SBR)
