CEBU CITY-Gisalig na ni former Cabinet Secretary Leoncio Badilla Evasco Jr. sa iyang legal council ang plano ug ang angayang buhaton kalabot sa giingong ‘massive vote buying’ sa probinsya sa Bohol niadtong nakalabay nga pinili-ay.
Kini human napildi si Evasco Jr. sa governatorial race batok kang incumbent Congressman Arthur Yap og sobra 3,000 ka mga boto.
Gibarugan ni Evasco nga duna gayuy nahitabong vote buying niatdong Mayo 13 kung diin matud iyang mga suporters ang gibayran og 5,000 pesos. Kung asa matud pa kusog si Evasco didto usab hitak ang vote buying.
Gitawag pa sa kanhi Cabinet Secretary nga dunay “SRP” (standard retail price) ang pagpalit og boto.
Ang iyang legal team nalang matud pa ang bahala sa pag-gather og ebidensya para sa kaso nga gi-andam nila batok sa kampo ni Yap.
Padayon usab nga gikuha sa Bombo Radyo Cebu ang habig ni incumbent Congressman Arthur Yap kalabot sa naasoy nga pasangil.
