CEBU CITY-Gidayeg sa kanhi PNP chief ug karon senador nga si Sen. Ronald ‘Bato’ Dela Rosa ang corporate social responsibility sa Bombo Radyo Philippines nga mao ang tinu-ig nga Bombo Medico.
Sa pakighinabi sa Bombo Radyo Cebu kang Senator ‘Bato’ Dela Rosa, giingon niini nga importante ang naasoy nga medical misson tungod kay makatagamtam ang mga kabos og libre nga medical services para sa ilang gihambin sa panglawas.
Dugang pa sa kanhi PNP chief nga nakighi-usa kini sa naasoy nga aktibidad isip public servant sanglit mao kini ang usa sa mga rason kung ngano nga midagan kini sa nakalabay nga pinili-ay.
Dason pa usab ni Dela Rosa nga gusto niya nga mutabang sa tinuig nga medical mission apan limitado usa sa karon ang iyang opisina sa maong kapasidad.
