CEBU CITY — Hatagan ni Cebu Governor Gwen Garcia og duha ka adlaw ang WT construction nga hingpit na nga muhunong sa ilang pagkabkab sa yuta nga tukuran unta sa P1.3 billion project nga resource building sa administrasyon ni kanhi Gov. ug karon Vice Gov. Hilario Davide III.
Matud ni Garcia nga on going ang ilang paghan-ay sa suwat karon para sa pagpahunong sa maong construction ug gikatakda nga mahuman karong adlawa.
Unod niini nga i-black list sa maong contructor diin dili na kini kasulod pa sa kontrata sa Kapitolyo kung dili maminaw sa iyang order.
Daw sama matud pa sa bagong governor nga wala nakasabot ang WT construction sa iyang order nga total stoppage o pagpahunong sa ilang construction tungod kay miingon lamang kini nga temporary suspension ra ang giingon sa governor mao nga nagpadayon kini sa ilang pagkabkab.
Subay niini, paaboton pa usab ni Garcia ang tubag sa WT construction ug ingon man makig-istorya kini sa kadagkuan sa WT.
Gusto gyud ni Garcia nga tambakan na pagbalik og yuta ang gikabkab sa naasoy nga contractor.
