CEBU CITY — Nahimong dakong hisgutanan karon ang nagviral nga video sa 5 ka estudyante sulod sa usa ka kotse kung diin gimolestiya niini ang kaubang babae.
Ang naasoy nga video ang gi-upload sa usa sa nga estudyante sa “my day” sa Instagram ug napasa-pasa na gamit ang Facebook Messenger.
Makita sa maong video nga gihubo-an sa kauban niini ang babae ug gihinol hinol pa ang dughan gamit ang mga bastos nga pulong.
Gumikan sa pagkatap sa maong video, gi-angkon sa usa ka dakong tunghaan sa dakbayan sa Sugbo nga usa sa mga estudyante nga puro senior highschool ang nagtungha sa maong unibersidad apan ang uban wala pa matino.
Gikompirmar kini sa official sa maong tunghaan ug nagpahigayon na usab sila og imbestigasyon kalabot niini.
Gikondenar usab matud pa sa tunghaan ang nahitabo ug pahamtangan og tukmang silot ang estudyante nga nalambigit niini.
Samtang mipahigayon na usab og imbestigasyon ang Criminal Investigation and Detection Group (CIDG-7) ug ilang imbestigasyon kung diin sigon ni PLt. Col Hector Amancia ang hepe sa buhatan nga sutaon usa nila kung mga menor de edad ba ang involved sa maong paghitabo ug kung ugaling mga minors kini, mamahimong ang ginikanan sa babae ang mufile og kaso sa ilang buhatan.
Nakigcoordinate na usab sila Women and Children’s Protection Desk (WCPD) alang sa maong imbestigasyon. (with reports by Bombo Lahvi Quiñones/GN/FDP)
