Gitaktak sa tunghaan ang usa ka magbabalaud sa Bangladesh kinsang gituohang nag-hire og walo ka mga babaye nga ka-look-alike niya.
Kini aron magpaka-aron ingnon isip si Tamanna Nusrat sa tinguha nga makatubag sa exam gamit ang iyang pangalan.
Mibuto ang kontrobersiya human nga gisita sa usa ka magsisibya ang usa sa mga babayeng giingong gibayran sa magbabalaud aron tubagon ang 13 ka mga examinations. Daling mikatap sa internet ang video sa maong insidente.
Matud sa pangulo sa tunghaan nga si M.A. Mannan, gikanselar sa Bangladesh Open University ang enrollment ni Nusrat sa Bachelor of Arts degree ug wala na kini gipabalik sa tunghaan.
Dugang pa sa opisyal nga protekado ang mga staff ni Nusrat ang mga impostora sa magbabalaud sa dihang nag-test sila.
Apan walay nagmadasigon sa pagsita niini gumikan sa pagka-impluwensyal sa pamolya sa magbabalaud.
Sa kasamtangan, wala mihatag og komento si Nusrat.
Nasayran nga mikuyanap ang pagpanikas sa exam sa Bangladesh ug napugos ang otoridad nga bale-walaon ang resulta niini.
