CEBU CITY — Nasakmit sa kapulisan ang halos P1.5-Million nga balor sa ginadiling drugas atol sa gipahigayong buybust operation kaganihang kaadlawon sa Villagonzalo 1, Brgy. Tejero, dakbayan sa Sugbo.
Giila ang dinakpa nga si Alvin Lopez Fegarido, 29 anyos, usa ka port worker, ug residente sa nahisgutang lugar.
Matud ni Police Major Joemar Pomarejos, ang hepe sa Waterfront Police Station, nga usa ka high value target ang maong dinakpan ug anaa kini sa watchlist sa kapulisan sa rehiyon.
Nakuhaan ang maong dinakpan og 200 grams nga shabu ug mikabat kini og 1,496,000 pesos.
Anaa na sa PNP Mega Crime Laboratory ang nahipos nga drugas aron ipaubos sa chemical analysis.
Natanggong ang dinakpan sa Waterfront Police Station detention cell ug mag-atubang og kasong kalapasan sa Sections 5 and 11 sa Comprehensive Dangerous Drugs Act.
