-- ADVERTISEMENT --
CEBU CITY-Love triangle ang gitan-aw nga motibo karon sa kapulisan sa kamatayon sa usa ka 36-anyos human kini gipusil sa wa mailhing mamumuno kagahapong adlawa sa Sitio Laray Brgy. Carreta dakbayan sa Sugbo.
Gigamit sa pagpamusil sa suspek ang 38 revolver nga armas hinungdan sa hinanaling kamatayon sa biktima nga nailang si Anthony ‘Tonton’ Castaño ug residente ra usab sa nahisgutang lugar.
Base sa nakuha nga impormasyon sa kapulisan nakakita og away ang biktima tungod sa babae.
Padayon usab nga giila karon sa Mabolo PNP ang mga mamumuno ingon man pagkuha og dugang impormasyon kabahin sa maong insidente. (Lahvi Quiñones)
