Nakabsan sa kinabuhi ang usa ka 53 anyos nga lalaking trabahante sa usa ka dakong food manufacturing company sa Lapu-Lapu city human mabangga-i ang gimanehong motorsiklo niini sa laing motorsiklo nga gimaneho sa usa ka 16 anyos nga lalaki.
Nahitabo ang insidente pasado alas-9 kagabii sa General Aviation road barangay Pajac Lapu-Lapu city
Nasuta sa traffic enforcement unit sa Lapu-Lapu city police office nga nagsubay sa opposite lane ang duha ka mga motorcycle rider.
Padung mutrabaho ang biktima samtang ang menor de edad gikatahong nag racing uban sa laing 2 pa ka mga menor de edad sa general aviation road dihang nahitabo ang insidente.
Anaa na karon sa kustodiya sa Homecare for children sa Lapu-Lapu city ang menor de edad nga rider.
Ang maong mga menor de edad nasuta usab nga wala kiniy mga liscensya.
Tulo ka kaso ang mamahimong atubangon ngadto sa suspek, kasong reckless imprudence resulting to homicide, damage of property ug driving without liscence.
