CEBU CITY — Aprubado sa Regional Tripartite Wage and Productivity Board (RTWPB)-7 ang umento nga P18 nga minimum wage sa mga empeleyado sa Central Visayas.
Matud ni Joe Tomongha, ang labor sector representative sa RTWPB-7 nga ipatuman ang maong umento sa sunod tuig diin applicable kini sa mga minimum wage earners.
Dugang pa niini dako ug tulobagon ang mga employer nga dili mopatuman sa maong umento ngadto sa mga empleyado.
Sigon pa usan ni Tomongha nga nagdeterminar ang maong wage hike sa mga panginahanglan sa pamilya nga nagsweldo og minimum wage matag adlaw.
Samtang ang Department of Labor and Employment (DOLE) na maoy mag-monitor sa mga employer nga dili mopatuman sa sakto nga swelduhan o di ba kaha ang trabahante mismo ang mopadangat sa ilang reklamo ngadto sa ahensya.
Hangyo usab ni Tumungha ngadto sa mga trabahante nga di angay mahadlok nga mopadangat sa ilang reklamo ngadto sa DOLE.
Kini subay na usab nga magpanagana ang uban nga mga trabahante hinungdan magpakahilom nalang gumikan mahadlok taktakon.
Human sa pagpatuman sa dugang nga 18 pesos sa minimum wage, i-monitor ni Tumungha ang mga establisyemento nga di mopatoman niini. (Lahvi Quiñones)
