CEBU CITY — Usa ka political will ang gibuhat ni Presidente Rodrigo Duterte kalabot na sa iyang hulga nga ipaubos sa military takeover ang mga water concessionaires.
Kini ang nahimong reaksyon sa political analyst gikan sa Ateneo de Davao University nga si Prof. Ryan Maboloc subay sa hulga ni Duterte kalabot na sa kwestyonableng concession agreements sa Maynilad ug Manila Water.
Matud ni Maboloc nga nagpabiling radikal ug consistent ang baruganan sa presidente alang sa kaayuhan sa kadaghanan.
Apan sutaon usab, matud pa, kung tinud-on ba ang hulga ni Duterte ngadto sa mga inila nga business leaders sa nasud.
Dugang pa ni Maboloc nga grabe ang kalagot ni Duterte gumikan kay mas gipalabi sa mga nanag-iya og private corporations ang ilang ginansya itandi sa pagserbisyo sa katawhan.
Napaglantawan usab ni Maboloc nga nagpabilin ang pagsalig sa presidente ngadto sa kasundaluhan.
