Gihulagway sa bantugang musikero ug National Artist for Music nga si Ryan Cayabyab nga milambo ug nag-level up ang The 3rd Bombo Music Festival kagabii nga napahigayon sa dakbayan sa Iloilo.
Matud ni Cayabyab o Mr. C nga nagmaya kini ug hilabihang na-impresibo sa 12 ka mga finalists sa indigay sa orihinal nga mga kanta.
Tungod niini, nakita ni Cayabyab nga nahimong komportable ang mga kompositor sa pagpadayag sa gibati ug kasinatian pinaagi sa usa ka sonata, depende sa pulong nga pagabatbaton.
Gihimug-atan sa beterano ug multi-awarded musician nga importante nga mapadayag sa usa ka tawo ang kaugalingong kasinatian pinaagi sa usa ka kanta.
Hinungdan nga naka-relate gayud ang katawhan sa mga nanggawas karon nga bag-o ug orihinal nga Filipino songs.
Dugang pa niini nga ang sikreto alang sa usa ka “hit” nga kanta mao ang walay hunung nga pagsuwat ug paghimo sa mga orihinal nga kanta nga makarelate ang kinabag-ang Pilipino.
