Mi-awhag si Presidente Rodrigo Duterte sa mga lokal nga opisyal sa Sugbo nga iduso ang mga imprastraktura sa ibabaw alang sa hapsay nga byahe sa kadalanan.
Atol sa speech niini kagabii sa Sinulog grand parade, nagkanayon kini nga lisud ang pagpalapad sa mga kadalanan gumikan sa mga gipangtukod nga mga taas nga buildings ug uban pa.
Matud ni Duterte nga lisud usab ang pagtukod sa nahisgutang mga imprastraktura gumikan sa kakaraan sa dakbayan.
Tungod niini, mihangyo ang presidente nga sundon na lang ang mga innovations sa EDSA sa kaulohan sama lang sa mga flyovers ug mga railways aron mahapsay na ang dagan sa trapiko.
Matuman kini, matud pa, kung walay bisan kinsang opisyal ang malambigit sa korapsyon.
Hinuon, gibutyag usab ni Duterte nga mangita kini og pondo aron lang matuman ug mahuman ang nahisgutang imprastraktura sa ibabaw sa kadalanan.
