Gitataw ni Dr. Jaime Bernadas, ang regional director sa Department of Health (DOH-7) nga walay angay kabalak-an sa 26 ka Koreans nga gimonitor batok sa COVID-19.
Kini tungod kay negatibo kini sila sa maong virus.
Gipahibalo ni Bernadas nga 17 sa mga naasoy nga Koreans ang nauli na sa ilang nasud samtang samtang ang 8 niin ang naka self quarantine karon nga gi-monitor sa local health workers inabagan usab sa Provincial Office ug sa buhatan sa DOH.
Samtang ang usa niini ang anaa sa hurisdiksyon sa Region 3.
Gitino usab sa direktor nga wala kini sila nakadevelop og mga simtomas sa COVID-19 ug himsog ang panglawas niini subay usab sa strikto nila nga monitoring.
Gipasalig usab ni Bernadas nga andam na usab sila sa pagpaubos niin sa treatment kung ugaling dunay problema o mataptan man sila sa maong sakit.
Basi sa latest nga datos sa DOH-7 as of March 2, duna’y 7 ka mga Person Under Investigation (PUI),183 ka mga Person Under Monitoring (PUM), 175 ang naka home quarantine ug 48 ang naa sa medical facility quarantine. (fdp)
