CEBU CITY — Panahon na aron ibalik ang subject nga Good Manners and Right Conduct (GMRC) sa mga tunghaan ubos sa K-to-12 curriculum sa Pilipinas.
Kini ang nahimong pamahayag ni Dr. Salustiano Jimenez, ang regional director sa Department of Education (DepED)-7 human nga naratipikahan na sa Kamara ang GMRC bill.
Matud ni Jimenez nga mao na gayud ang tukmang panahon aron itudlo sa mga tinun-an sa elementarya ug sekundarya ang Filipino values.
Nakita niini nga nakalimtan na sa mga batan-on ang values sa pagka-Pilipino sama lang sa pagkamatinahuron gumikan sa sobra nga pagka-aktibo sa mga butang.
Nabantayan usab ni Jimenez ang dako ang epekto sa teknolohiya sa batasan sa mga kabatan-onan karon.
Hinuon, dakong uyon usab alang sa mga ginikanan ang pagduso sa maong balaudnon aron itudlo sa umaabot nga Filipino citizens ang maayong pamatasan.
Sa panahon nga maaprubahan na ni Presidente Rodrigo Duterte ang maong balaudnon, himoong usa ka buwag nga subject ang GMRC ubos sa K-to-12 program.
Basaha kini: GMRC bill niratipikahan ng kongreso para maisama sa K-12 curriculum
Tudluon sa maong subject ang pagtahud alang sa intercultural diversity, gender equity, kalinaw ug importansya sa hustisya, pagtuman sa balaud, ug pagka-makabayan.
Sa kasamtangan, gilakip sa mga managlahing subject ang values sa matag leksyon.
