CEBU CITY — Samdan ang pito ka mga sakay sa usa ka van human kini natagak sa bung-aw sa Sitio Kan-irag, Brgy. Sirao, sa bukirang bahin sa Cebu City.
Sakay sa Toyota Fortuner van ang driver nga si Vergie Marie Tecson ug mga pasahero niini nga silang Cora Marie Alidon, Julio Salvatera, Ellana Valdez, Julius Ceasar Salvatera, Jeff Russel Alidon, ug usa ka 4-anyos nga bata.
Sa usa ka report, nakita sa imbestigasyon sa Talamban PNP, manglaag unta ang nahisgutang mga kabanay sa usa ka tourist spot sa nahisgutang barangay ug aduna silay dalang mga kargamento.
Matud ni Police Senior Master Sergeant Ernesto Velvestre Jr., gilikayan mismo sa driver ang gikasugat niini nga sakyanan maong mikambyo kini sa pikas apan natagak kini sa bung-aw.
Hilabihang nakugang ang usa sa mga miresponde nga si Elnan Ingles human kini nakadungog og usa ka sipa gikan sa layo.
Diha na lang niya, matud pa, nasayud nga natagak ang maong sakyanan sa bung-aw ug nagpatabang ang mga pasahero kaniya.
Dali nila nga gitabangan ang mga biktima kinsa nakaangkon og bun-og sa kalawasan diin kasagaran mga edaran ang nireklamo sa pagpanakit sa dughan og uban pang parte sa kalawasan.
Sa pagkakaron, naka-confine ang mga pasahero sa usa ka tambalanan human sa maong panghitabo. (with reports by Bombo Joann Gantalao/gn)
