CEBU CITY — Nagpabilin sa 34 ang nagpositibo sa COVID-19 sa Central Visayas apan nadugangan og usa ang naayo sa maong sakit.
Sa report nga giluwatan sa Department of Health (DOH)-7, anaa na sa walo ang ihap sa mga nangaayo human nataptan sa maong sakit.
Giila kini nga si Patient CV No. 28, 49-anyos nga lalaki, ug taga-Negros Oriental.
Sa gihapon, nagpabilin sa unom ang namatay sa maong sakit.
Mipahinumdom si Dr. Jaime Bernadas, ang DOH-7 director, nga sundon gayud sa katawhan ang mga lakang aron ma-contain ang virus sama lang sa physical distancing ug kanunay nga paghunaw sa kamot.
Hangyo karon sa maong ahensya ngadto sa mga kabanay ug mga nakahimamat sa confirmed cases nga makig-alayon sa local contact tracing teams aron masuta ang kahimtang sa panglawas.
“They are just doing their job to monitor and check on your well-being and never was their intention to shame or single you or your family out. We also call on our community leaders and the neighbors of confirmed cases to not let their fear of infection make them forget the human values of compassion and understanding,” suma pa ni Bernadas.
