CEBU – Tang-tang na sa pagka-police si kanhi Argao Police Station Chief Police Major Ildefonso Miranda, Jr. human nga gipirmahan karong adlawa ni Police Regional Office (PRO-7) Director Police Brigadier General Albert Ignatius Ferro ang dismissal order batok niini.
Na-priso si Miranda human kini nadiskubre nga nagpatulog sa iyang quarter og babayeng piniriso.
Kahinumduman nga gisikop kini sa gipahigayong entrapment operation sa mga sakop sa Integrity Monitoring and Enforcement Group (IMEG) sa Philippine National Police (PNP) niadtong nakalabay’ng buwan lakip na ang babayeng piniriso nga gipatulog niini sa iyang quarter.
Segon kang PBGen. Ferro nga grave offense ang sala-od nga nahimo ni Miranda diin dili niini madawat ang iyang mga benepisyo isip pulis.
