CEBU CITY — Gi-angkon ni Cebu Provincial Governor Gwendolyn Garcia nga mas gipili niini ang kasiguraduhan sa kinabuhi sa tanang Sugbuanon.
Matud sa gobernadora nga mas gisiguro niini ang panglawas sa tanang mga konstitwente, bisan pa man og usa kini ka pro-business nga lider.
Dugang pa niini nga adunay mga butang nga angayang isakripisyo ilabi na nga nakig-gyera ang lalawigan batok sa dili makitang kaaway nga mao ang COVID-19.
Nihangyo si Garcia nga mas maayong sundon sa mga kababayan ang tanang mga patakaran aron panalipdan ang probinsya.
Una nang nipadayag ang gobernadora na kinahanglang mobangon ang ekonomiya sa Sugbo human nga mabalik na sa normal ang tanan.
Atol sa pagpakigpulong niini sa mga managlahing business leaders sa Sugbo, nisugyot si Garcia nga mas maayong i-redirect ang lalawigan gikan sa nag-unang tourist spot ngadto na sa agrikultura isip tinubdan sa ekonomiya.
Gibarugan gihapon niini nga kinahanglan nga mainabtikon ilabi na nga nagkasaka na ang COVID-19 crisis sa tibuok isla.
