CEBU CITY — Girespeto matud pa ni PRO-7 regional director Police Brigadier General Ignatius Ferro ang desisyon sa korte kung diin girelease ang Cebu 8 samtang dunggon ang kaso ug gipaubos sa summary procedure.
Nagkanayon si Ferro nga mao matud pa kini ang ‘beauty’ sa due process kung diin nagpakita lamang nga milihok ang justice system.
Gihimug-atan usab ni Ferro nga narecognized kini matud pa sa korte ug ang kapulisan ang nag obserbar usab sa police procedure hayan wala kini nakalapas sa human rights sa pagsikop sa mga nagprotesta nga mga batan-on.
Tubag usab ni Ferro sa gibutyag sa legal counsel sa Cebu 8 nga si Atty. Rex Fernandez nga ang mga kapulisan ang nakalapas usab sa social distancing, nga dili matud pa malikayan nga magsikit-sikit sa pagdakop na.
Apan gipasabot usab sa direktor nga sa ila matud pa nga formation nagsikit man ang ilang shield ug ang uban nilang kaubanan ang nagmonitor usab.
Dugang pa niini, dili matud usab tinood nga gidugay-dugay sa kapulisan ang pagfile og kaso sanglit duna matud pay cut off ang piskal office sanglit adlaw nga Biyernes nadakpan ang Cebu 8. (FDP)
