CEBU CITY — Mokabat sa 50 ka pamilya ang apektado sa ni-ulbo nga sunog sa boundary sa Bgry. Labogon ug Brgy. Paknaan sa dakbayan sa Mandaue.
Matud pa ni Senior Fire Officer 1 Noel Codilla sa Mandaue City Fire Department nga kapin sa 25 ka panimalay ang naigo sa sunog nga unang na-report sa Sitio Latasan sa Brgy. Labogon ang sunog sa 6:01 sa gabie.
Giisa kini sa 3rd-alarm human nikatap ang ka’yo sa mga panimalay sa Sitio Patatas, Brgy. Paknaan diin 31 ka firetruck gikan sa syudad sa mandaue ug dakbayan sa sugbo ang nagtinabangay arun mapawong.
Matud usab ni Codilla nga na-fire out ang sunog sa takna nga alas 6:59 sa gabie.
Matud pa sa kabumberohan og mga residente nga tungod sa nibuto nga plangka sa kuryente ang hinungdan sa sunog nga gikan sa panimalay nga gipanag-iya sa gi-nganlang og ‘Regan Sacay’.
Apan, gihimug-atan ni Codilla nga ila pang i-verify ug imbestigaran ang hinungdan sa sunog.
Sa pakignabi sa Bombo News Patrol nga kadaghanan sa mga residente ang walay nasalbar nga kagamitan diin adunay mga magtutungha ang nasunogan dili lang mga gamit kundi apil usab ang mga modules.
Nasayran usab nga usa ka pi-ot ang one exit, one entry ang lugar sa nahitaboan sa insidente.
Apan, malipayun si Codilla nga walay natalang nakabsan og kinabuhi og kasamtangan anaa sa mga gymnasium sa Brgy. Paknaan ug Brgy. Labogon ang apektadong residente. /with reports by Bombo Joann Gantalao and Bombo Crisle Adlawan/ekp/gn
