CEBU CITY — Niabot sa 11 ka mga indibwal ang naangol ug kasamtangan nagpa-alim sa tambalanan human sa panagbangga sa usa ka ambulansya ug bus sa dalan J. de Vera eskina Gen. Maxilom Avenue, Brgy. Carreta sa dakbayan sa Sugbo kagahapon sa hapon.
Subay pa sa imbestigasyon sa mga kapulisan, paingon sa Lilo-an, Cebu ang usa ka pribadong bus nga adunay sakay nga pasahero samtang adunay sakay usab nga pasyente ang ambulansya diin nibyahe kini paingon sa usa ka pribadong tambalanan sa syudad.
Matud pa ni PCpl. Umolon Ferdinand sa Mabolo Police Station nga kusog ang padagan sa duha ka sakyanan.
Gumikan sa impact sa insidente, nibangga sa usa ka poste sa kuryente ang bus.
Daling mi-responde ang mga taga-VECO ug gipalong ang linya sa kuryente arun nga luwas nga makagawas ang mga pasehero nga trapped sulod sa bus.
Kasamtangan pang nagpahigayun og imbestigasyon ang mga otoridad sa nahitabong insidente. (ekp)
