CEBU CITY — Giimbestigaran sa kapulisan ang kamatayon sa usa ka security guard ug pagkaangol sa usa ka babaye human gipusil sa usa ka lalaki kagabii sa Sitio Alumnos Riverside, Brgy. Basak San Nicolas, dakbayan sa Sugbo.
Dead on the spot ang biktima nga si Ernesto Gonzales, 34-anyos, samtang nagpaalim pa sa tambalanan si Marissa Echevarria, 49-anyos human nakaangkon og samad-pinusilan sa tiyan.
Matud ni Police Capt. Francis Renz Talosig, ang hepe sa Mambaling PNP, nga kalit lang niabot ang suspek ngadto sa nagkaon nga si Gonzales dayon og pusil gamit ang wala matinong armas.
Dugang pa niini nga padayon pang gipangita sa kapulisan ang nagpusil sa biktima maong wala una nila kini hinganli.
Gisuta pa sa kapulisan kung unsa ang nahimong motibo sa maong pagpamusil. (report by Bombo Joann Gantalao/gn)
