CEBU CITY — Adnay pagtataw si Presidential Spokesperson Harry Roque kabahin sa bagang duot sa mga tawo atol sa iyang pagbisita niadtong Nobyembre 27 sa Madridejos, Cebu diin wala na-obserbahan ang physical distancing.
Una nang gisaway sa mga netizens ang mga hulagway kabahin sa maong panagtapok kung diin mipahinumdom si Roque nga mosunod kanunay ang mga tawo sa health protocols.
Sa giluwatang statement ni Roque kagahapon, nagkanayon kini nga wala siyay kontrol sa maong panagtapok sanglit gipasiugdahan man sa local government ang gitambungan niining event.
Dugang pa niini nga nisunod ang mga nitambong sa mga protocol nga magsul-ob og face mask.
Usa si Roque sa mga nibisita sa amihanang Sugbo ug mikuyog atol sa “mini suroy-suroy” nga gipasiugdahan sa Cebu Provincial Government.
Nasyaran usab, matud pa, ni Roque nga wala nagdahum ang LGU sa kadaghan sa mga nagtapok sanglit anaa lang kini gipahigayon sa Kota Park sa daplin sa dagat.
