CEBU CITY – Napanglantawan ni Cebu City Fire Department investigator Fire Officer 2 Fulbert Navarro nga gumikan sa tumang kalibog subay sa kahadlok hinungdan nga wala makagawas ang unom ka mga namatay sa sunog sa Arlington Pond, Brgy. Sta. Cruz, dakbayan sa Sugbo, kagahapon.
Gibutyag ni FO2 Navarro nga posibli nga gumikan sa kalibog, wala na masayod ang maong mga namatay kung asa sila mu-agi pagawas.
Giila ang mga patay’ng lawas sa lima nga silang Dan Henry Carvajal, 3-anyos, Andre Carvajal, 6-anyos, Felicity Sachi Carvajal, 12-anyos, Lyka Carvajal, 16-anyos, ug si Hannah Mae Carvajal, 34-anyos, samtang nailhan na ang duha ka missing butang nga nisaka na sa pito ang nabiktima sa sunog.
Matud pa nga ang tawo nga migamay na lang ang ‘oxygen’ sa utok, diriyot mawagtangan ug insakto nga dagan sa panghunahuna ug maka-resulta ug kalibog.
Nakita usab sa kabomberohan nga hilabihan ka gamay ang entrance ug exit sa panimalay sa mga biktima hinungdan nga posibling naglisod na kini sila ug gawas.
Mipahimangno usab kini nga gikinahanglan nga kanunay nga imintinar ang ‘situational awareness’ kung diin i-familiarize gayud ang entrance ug exit sa panimalay o bisan sa usa ka establisimento kung diin bisan ug tabunan pa ang mata o zero visibility kung ugaling adunay sunog, makagawas na kini sulod lang sa duha ka minutos.
Matud pa sa Fire investigators nga mokabat sa Fire investigators nga gibana-bana nga P11 million ang danyos sa sunog samtang dili mominus sa 10 ka properties ang apektado apil na ang mga kabalayan ug commercial spaces.
Nadeklara nga fire under control kini sa 2:25 sa hapon samtang fireout sa takna na nga 3:17 sa hapon.
Gidugang pa niini nga dili angayan nga musulod ug pansayan kung ugaling adunay sunog gumikan kay siento porsyento gayud nga mamatay.// SBR
