CEBU CITY – Hangyo karon ni Dr. Salustiano Jimenez, ang Regional Director sa Department of Education sa Central Visayas sa mga ginikanan ug guardians nga ipa-enroll na ang ilang mga bata sa dili pa magsugod ang klase.
Matud pa niini nga aduna nay 1.3 Million ka mga estudyante ang nagpa-enroll sa Central Visayas gikan sa mga public ug private school.
Gihimug-atan usab niini nga naka-andam na ang tunghaan matag division alang sa umaabot nga pag-abli sa klase karon umaabot nga Setyembre 13, adlaw nga lunes.
Dugang pa niini nga naghinaut kini nga madungagan pa kining mga enrollees sa 700,000 diin gilauman nilang nga moabat pa sa dos milyones ka mga estudyante ang ma-enroll sa kasamtangan school year gikan sa kindergarten paingon sa Grade 12.
Sapagkakaron, mogamit po blended learning ang rehiyon diin kumbinasyon kini sa modalities nga printed instruction, radio and TV based instruction, digital ug online instruction.
Dugang pa ni Jimenez nga mahinayun na ang limited Face-to-face classes ilabi na kung tugtan na kini ni Presidente Rodrigo Duterte.// EKP
