CEBU – Nakaplagan karon sa mga tigpanuki-duki sa Georgia, Emory University nga mikaylap na sa tibuok Estados Unidos ang posibleng makamatay nga tick-borne Heartland virus.
Una nga giila sa Missouri kaniadtong 2009, makit-an ang virus sa Southeast ug Midwest ug mikaylap pinaagi sa lone star tick.
Nakit-an sa Georgia ang genetic fingerprint sa virus diin lahi kini sa nakit-an sa ubang mga estado ug gituohan nga paspas ang mutation niini.
Matod pa sa study’s lead author nga si Gonzalo Vazquez-Prokopec, nga usa usab ka associate professor sa environmental sciences sa Emory University sa Atlanta, ang heartland virus usa ka emerging virus nga lumad sa US.
Dugang pa ni Vazquez-Prokopec, nga wala’y pormal nga pagsulay o pagtambal alang sa virus, ug ang lebel sa transmission niini ngadto sa mga tawo wala pa mahibal-i.
Nag-inusarang kasayuran lamang sa mga tigpanuki-duki nga nakatampo kini sa usa ka pathogen nga wala kaayo nahibal-an ug mahimo nga usa ka problema sa panglawas sa publiko samtang ang mga tawo mogugol og daghang oras sa gawas bisan sa kalingawan o trabaho.
Niadtong 2009, duha ka lalaki sa Missouri ang naospital nga adunay taas nga hilanat, kalibanga, sakit sa kaunoran, ubos nga ihap sa white blood cells ug mga platelet, ug uban pang mga sintomas sa tick-borne diseases.
Gitawag kini sa mga tigdukiduki nga Heartland ug nakit-an nga kini kasagaran anaa sa mga lone star ticks.
Nakit-an usab ang mga antibodies sa virus sa dugo gikan sa mga osa (deer) ug uban pang mga wild mammals.
