CEBU – Lagmit nga magdeveleop og asthma ug eczema ang bata kinsang mga inahan migamit og disinfectants paahon sa pagmabdos.
Gisugyot sa usa ka pagtuon, nga ang paggamit sa mga mabdos nga mga babaye og mga disinfectant mahimong usa ka risgo nga hinungdan sa asthma ug eczema sa ilang mga anak, apan tungod kini usa ka observational study, wala pa kini magtukod og rason.
Gigamit sa mga tigdukiduki ang datos sa 78,915 nga mother-child pairs nga miapil sa Japan Environment and Children’s Study aron susihon kung ang exposure ba sa mga inahan sa mga disinfectant sa trabahoan adunay kalabotan sa usa ka dugang nga peligro sa allergic diseases sa ilang 3 anyos nga mga bata.
Adunay kalabutan sa asthma ug dermatitis ang pagka-expose sa mga disinfectant sa trabaho apan gilantaw sa bag-ong pagtuon ang espisipikong epekto sa paggamit sa disinfectant panahon sa pagsabak ug ang pagdevelop sa mga allergic disease sa mga bata.
Lagmit nga makakuha og asthma ug eczema ang mga bata kung ang ilahang inahan mogamit og disinfectant usa hangtod unom ka beses sa usa ka semana itandi sa mga inahan nga wala gyud mogamit og mga disinfectant.
