CEBU – Gitataw ni Atty. Democrito Barcenas, usa ka beteranong abogado, nga ang political dynasty usa ka pamaagi diin ang mga pamilya o kaliwat magdunagn pagsulod sa pulitika aron mas palig-onon pa ang pagkontrolar sa ilahang probinsiya inay motahod sa constitutional provision nga public office is a public trust.
Gi-upload kini og ang nakadaot wala kni maayo nga nadefine ug mas mosamot pa kini ilabi na nga kung tinuod nga mapili si resumptive president Ferdinand “Bongbong” Marcos Jr. nga mao kini mag-una nga political dynasty sa kasamtangan.
Kini gumikan anaa sa pinakataas nga politikanhong posisyon si Marcos samtang ang nakadaug nga gobernador sa Ilocos Norte ang pag-umangkon niini nga si Governor Matthew Joseph Marcos Manotoc, congressman sa Ilocos Norte first district ang anak niini nga si Sandro Marcos ug anaa sa senado ang igsuon nga si Imee Marcos.
Gisundan sa pamilyang Duterte, diin outgoing president si Presidente Rodrigo Duterte, presumptive vice-president si Sara Duterte, mayor sa dakbayan sa Davao si Baste Duterte ug congressman sa susamang dakbayan si Paolo Duterte.
Tino pa ni Barcenas nga ubos sa Marcos-Duterte team, mawala na ang paglaum sa katawhan nga mapapas ang political dynasty sa nasod ug mao pa kini ang mopalig-on sa dynasty ingon man maoy mokontrolar sa pulitika sa Pilipinas gikan sa national hangtod na sa local.
Dugang ni Barcenas nga mao kini ang hinungdan og nganong ang mga kabus magpabilin nga kabus gumikan ang mga dynastya nga maoy nagkupot sa gahum maoy nagkontrolar sa tanang proyekto, kickbacks, kahiwian, sila maoy daghang kwarta hinungdan nga kung ang usa ka indibidwal adunay dakong katakos apan walay kwarta wa gihapoy bawt sa pulitika kung ang kaatbang produkto sa political dynasty.
