-- ADVERTISEMENT --
CEBU – Gihangyo sa Comelec-Talisay ang tanang mga napildi sa eleksyon sa dakbayan nga tahuron ang resulta ug integridad sa eleksyon.
Gibutyag ni Atty. Anne Fleur Gujilde, ang Talisay City Comelec Officer, nga kung adunay mga kwestyon, mas maayo nga ipadangat na lang sa ‘proper forum’, ug dili na lang ipaagi sa mga nagkadaiyang kalihokan.
Kahinumdoman nga nagpahigayon ug 10-day Vigil Protest ang kampo ni Alan Bucao, ang Barug Lumad Talisaynon, sa pagtuo nga adunay tikas nga nahitabo sa nakalabay nga eleksyon.
Matud ni Atty. Gujilde nga wala may natala nga kagubot o bisan unsa man nga komosyon nga makapa-kwestyonabli sa gipahigayon nga pinili-ay.
Nanawagan kini sa mga napildi nga kandidato nga mag-‘concede’ ug hangpon na lang ang resulta.
-- ADVERTISEMENT --
