-- ADVERTISEMENT --
CEBU – Nunot sa kabalakang nanggawas karon sa social media kabahin na sa monkeypox, usa ka matang sa sakit nga naggikan sa Central ug West Africa.
Giklaro ni Dr. Mary Jean Loreche, ang chief pathologist sa Department of Health (DOH) 7 , nga dili angay mabalaka ang katawhan gumikan wala pay nakita ang departmento sa panglawas nga adunay kaso sa naasoy sakit sa nasod o bisan sa mga nakapalibot nga nasod sa Pilipinas.
Susama sa smallpox ug chickenpox (hangga) adunay usab kini parehong sintomas sama sa hilanat, pagpanakit sa kalawasan, rashes ug pagpanghubag sa kalusayan.
Dili ra usab taas ang risgo sa naasoyng sakit kung mahatagan kini og hinanaling pagtambal.
