CEBU – Miluwat ug usa ka memorandum si Cebu City Mayor Michael Rama nga nagmando sa mga casual ug job order employees sa pagsumitir sa ilahang Personal Data Sheet (PDS) kutob lang sa Hunyo 16.
Kini arun sa pagpaubos sa maong mga empleyado ug evaluation gikan sa evaluation committee sa Mayor’s office.
Basi sa Memorandum No. 226-05-2022, ang mga empleyado sa City Hall nga contractual ug job order kay kutob na lang sa Hunyo 30 ug mag-depende na lang na sa mayor kung i-renew ang ilahang serbisyo o dili na.
Tuyo ni Mayor Rama nga limpyohan ang Cebu City Hall gikan sa mga kawatan, tapulan, hugawan, intregero o intregera, pala-away, walay nahibaw-an, dili mubayad ug utang ug mubuko-buko o hilig nga manglibak.
Subay niini, mipahimangno ang mayor nga kadtong dili na makadawat sa ilahang renewal contract kay mahimo nang dili na mubalik sa City Hall sugod sa Hulyo 1.
