CEBU – Lauman nga adunay reaksyon ang mga human rights group, catholic church ug pipila ka mga grupo, sa plano ni president-elect Bongbong Marcos nga himuong drug czar si outgoing president Rodrigo Duterte.
Gibutyag ni Dr. Ryan Maboloc, usa ka Political Science professor sa Ateneo De Davao University, nga ang drug war ni Presidente Duterte kay napuno sa kontrobersiya gumikan sa panlataw niini nga mao kini ang sulbad sa kriminalidad.
Matud pa, gihatagan gayud ug ’emphasis’ sa outgoing president ang paglutos sa mga durugista.
Gipadayag ni Maboloc nga mahimong ipadayon ni Marcos, Jr. ang pakigbatok sa iligal nga drogas, butang nga daan nang gihangyo ni Duterte, apan mas maayo kung maghatag kini ug laing pamaagi.
Nagkanayon kini nga kinahanglang lantawon ang laing aspeto sa drug war gumikan kay usa usab kini ka ‘social and economic problem.
