CEBU – Gikatakdang i-turn over karong Hunyo 7 ang bag-ong taytayan nga New Clarin Bridge sa Loay Bohol.
Atol sa eksklusibong pakighinabi sa Bombo Radyo Cebu kang Barangay Loay Captain Primo Espirito , nagkanayon kini nga sa Hunyo 7 iturn over sa contractor ang among taytayan ngadto sa Department of Public, Works and Highways (DPWH) diin lauman ang pagbisita ni Presidente Rodrigo Duterte.
Base sa nakuhang impormasyon ni Espirito 90% na nga nahuman ang among taytayan gani ma-agian na sa pipila ka sakyanan ang pikas bahin niini.
Ang dinaliang pag-abli sa taytayan nahimong posible pinaagi sa paningkamot sa DPWH UPMO uban sa tabang sa DPWH Regional Office 7 ug sa District Engineering Offices sa Bohol human usab mahugno ang karaang taytayan nga nikalas og 4 ka kinabuhi.
