CEBU – Gikwestyon ni Cebu Provincial Governor Gwendolyn Garcia ang pamahayag ni DILG Sec. Eduardo Año kalabot na sa pagpasaka ug kaso batok kaniya kung mahimong pakyas ang giluwatan nga EO No. 16.
Matud ni Garcia nga ang termino nga ‘palpak’, usa ka ‘highly subjective word’ ug kung unsa man nga tukmang silot ang angayan niining atubangon.
Apan, gitataw sa gobernadora nga kung intensyon ni Año nga pasakaan kini ug kaso, hayan, katungod na kini sa naasoy nga opisyal.
Gani, gibutyag sa opisyal nga mahimong legasiya ni Año isip DILG Secretary sa katapusang 15 kaadlaw sa termino niini.
Samtang, gi-imbitar sa gobernadora si Año sa umaabot nga mass oath-taking sa partido niini karung Hunyo 28.
Gipadayag sa gobernadora nga mas maayo nga makita ni Año sa katapusang higayon ang mga mayor, ug uban pang mga opisyal nga sa daghang mga katuigan nga gi-isyuhan niini ug mga kamandoan, direktiba, ingon man mga warnings.
