CEBU – Nakita sa usa ka pagtuon nga okay ra moinom og kape human moinom og liquid thyroid medication.
Nasayran nga girekomendar sa mga kasamtangang product labels ug treatment guidelines nga mas maayong moinom og thyroid hormone replacement therapy nga walay sulod ang tiyan apan gipakita sa usa ka bag-ng pagtuon nga ang pag-inom og liquid levothyroxine dili maapektohan sa pag-inom og kape human sa medikasyon.
Gibutyag ni Kris Washington, usa ka medical director sa New Jersey-based Vertice Pharma, ang dili maapektohan sa kape ang pagkonsumo sa levothyroxine sodium oral solution inay makahatag pa kini sa pasyente ug providers og mas taas nga dosing flexibility.
Sa gihimong pagtuon, 40 ka hamtong ang duha ka higayon nga gihatagan og single 600 microgram dose sa liquid levothyroxine pipila ka minuto sa wala pa moinom og 8 ounces sa black, unsweetened coffee nga ubos usab sa fasting conditions.
Dayon gikolekta ang ilahang tagsa-tagsa ka blood samples aron sukdan ang thyroid levels sa mga volunteers sulod sa 48 ka oras human sa dosis ug didto ilahang naompirmar na wala ray epekto ang maong mga butang kung isunod kini pag-inom.
