CEBU – Hingpit nang nakapanumpa sa posisyon ang mga napiling elective officials sa Lungsod sa Liloan pinangulohan ni Liloan outgoing Mayor ug Incoming Department of Tourism DOT Secretary Cristina Garcia-Frasco.
Ang nahisgutang kalihukan gipahigayon sa atubangang bahin sa Liloan Municipal Hall ug gitambongan sa gatusan ka mga pinasidunggang dinapit pinangulohan ni Cebu Governor Gwendolyn Garcia ug Congresista Duke Frasco sa kinto distrito.
Samtang atol sa iyang speech gipasalamatan ni Mayor Cristina ang mga liloanons sa ilang suporta sugod pa niadtong tuig 2016 nga unang higayon nga napili siyang mayor sa naasoyng Lungsod.
Mipasalig usab si Mayor Cristina nga bisan paman ug gidawat niya ang pagka DOT secretary dili gihapon niya hikalimtan ang iyang pagka-Liloanons ug iya kining bawnon ngadto sa kaulohan atol sa iyang paglingkod sa gabinete.
