CEBU – Giklaro karon sa National Vaccination Operations Center (NVOC) nga dili mandatory ang pag-injection sa Coronavirus disease 2019 (COVID-19) vaccine sa mga estudyante nga mosulod sa sunod nga school year.
Matod ni Health Undersecretary Myrna Cabotaje, Chairperson sa National Vaccination Operations Center, nga kalapasan sa balaod ang mandatory vaccination sa mga estudyante.
Gitino ni Cabotaje nga dili kini pwdeng himoung rekisitos sa mga tunghaan sa ilang mga tinun-an nga mosulod sa buwan sa Agosto.
Dugang pa niini nga gikinahanglan gihapon ang pagtugot sa ginikanan ug pagtugot sa bata, ug dili mandatory ang booster dose alang sa 12 ngadto sa 17 anyos.
Nalatid kini sa balaod bahin sa pagbakuna sa maong mga age-group.
Nagpabilin nga boluntaryo ug dili mahimong mandatory ang pag-injection sa booster-dose batok sa COVID sa kabatan-onan.
