CEBU – Inay mawili sa social media, angayang unahon ug himuong prayoridad ang pagtuon.
Mao kini ang panawagan karon sa 65-anyos nga biyuda nga si Lilia Bereber ngadto sa mga millennials.
Kini human nga nalakip si Bereber sa 400 ka Senior High graduates nga mitapos sa Banga National High School sa Banga, South Cotabato.
Gi-insister ni Bereber nga ang pagbaton og kurso sa kolehiyo usa ka yawe aron makabaton og nindot nga trabaho.
Gisaysay sa byuda nga samtang nagtungaha siya gidungan niya ang pagpanarbaho pinaagi sa pagpamaligya og mga appliances.
Ug sa maong higayon na-amgohan ni Bereber nga ipadayon ang iyang damgo nga makahuman sa pagtungha pinaagi sa online class ug karon sa face-to-face classes.
Nagpasalamat si Bereber sa suporta sa iyang mga magtutudlo ug sa iya mismong pamilya.
