CEBU – Gisiguro ni Barangay Tipolo, Mandaue Kapitan Ramon Alimpangog, nga gipahigayon ang public hearing una nga gisugdan ang proyekto sa dalan P. Basubas.
Apan gikasagmuyo sa mga stakeholders human nga gamay lang ang mitambong sa maong public hearing ug sa dihang nasugdan na ang proyekto, giingong daghan na ang mireklamo.
Matud ni Alimpangog nga gipadalhan niini ug kopya ang mga maapektohan sa pag-repair sa dalan ug gani giingong aduna pa kini mga ‘received copy’.
Gipasabot usab niini nga ang nahitabong panagpulong niadtong nakalabay nga Dominggo, Hulyo 3 kay dili kadto ‘public hearing’, inay usa lang kadto ka ‘meeting’ alang sa mga stakeholders, kalabot sa ilahang angayan nga buhaton arun nga mas mapaspasan ang proyekto, ug giingong nagkasinabot na ang tanan.
