CEBU – Nipasabot si Land Transportation Office (LTO)-7 Regional Director Victor Caindec kabahin sa kahinay sa transaction sa ilahang buhatan gani adunay uban nga dili pa maproseso ilabi na sa usa ka dakong mall sa dakbayan sa Sugbo nga gikatahong adunay kagubot nga nahitabo.
Giklaro ni Caindec nga duha ang rason og nganong nakasinati karong og problema sa processing ang buhatan sa LTO.
Una, nagkanayon kini nga na-down ang system sa buhatan sa tibuok nasod gani aduna pay advisory nga adunay problema ang Land Transportation Management System gidugangan pa sa nagkanahinay nga internet connection nga naka-apekto usab sa speed processing.
Ikaduhang rason mao ang gitawag nga pagkawal sa mga non-permamnent employees diin igo lang ni-comply ang LTO gumikan sagad nila nahuman ang kotrata niadtong Hunyo 30 ug wala pay gahum ang lto nga mobutang og mga empleyado gumikan sa pag-usab sa administrasyon.
Gumikan niini, nihangyo si Caindec og dugang pagsabot gumikan naghuwat pa sila sa designation sa bag-ong mga appointee, re-appointment o kaha molingkod nga OIC.
