CEBU – Nipasabot si Atty. Joey Daluz, ang Chairman sa Metropolitan Cebu Water District (MCWD) kabahin sa nigawas nga balita sa posibleng pagsaka sa rate sa matag metric cubic sa tubig.
Apan una niini, nagkanayon si Daluz nga maghimo pa silag series of discussion diin layo pa ang increase aron ilahang mapasabot sa katawhan kung unsa ang maong adjustment.
Gitino niini nga gikinahanglan usab ang adjustment gumikan maabot na ang supply sa tubig sa Setyembre 4 nga 15-20 mlb og dili na kini masagubang sa MCWD gumikan mahal ang tubig nga napalit maong gikinahanglan ang maong adjustment rate aron mabayaran ang tubig nga gipalit.
Adunay adjustment gumikan ang groundwater nga maoy kapanguhaan unta dili na masaligan tungod sa salt water inclusion , hybrid contamination ug uban pa nga mao untay barato.
Gibutyag usab ni Daluz nga gitugotan ang MCWD nga mopasaka sa presyo matag lima ka tuig apan niadtong 2020 wala kini nila mahimo tungod sa pandemya hinungdan nga gisagubang sa MCWD niadtong panahona ang ubang bayronon.
