CEBU – Subay sa nagka-init nga temperatura sa Uropa, eksklusibong nahinabi sa Bombo Radyo Cebu ang usa ka Pinay ug Bombo International News Correspondent nga kasamtangang nagpuyo sa Catalonia, Spain.
Gibutyag ni Lyra Sanchez-Kleijn nga sa kasamtangan modagan sa kapin sa 30 degrees sentigrado ang temperatura sa maong lugar gani nagkanayon kini nga maayo nalang nga anaa duol sa dagat ang ilahang panimalay og dili kaayo nila mabantayan ang tumang kainit.
Matod pa ni Kleijn nga arang-arang ra usab ang temperatura sa Catalonia kung itandi sa ubang mga lugar sa Spain sama sa Madrid, Sevilla ug Andalucia nga modagan na sa kapin 40 degrees sentigrado ang temperatura.
Dugang pa niini nga, sukad nga naabot kini sa maong continente karon pa kini kasuway sa tumang kainiton nga daw sama sa dili na kini normal ug gani gikamatay na kini sa pipila ka katawhan sa maong lugar.
