Atty. Elaine Mae Bathan pormal nang nanumpa isip DOT Undersecretary ug Chief of Staff

CEBU – Pormal na nga nanumpa si Atty. Elaine Mae Bathan atubangan ni DOT Secretary Christina Frasco alang sa iyahang appointment isip Department of Tourism Undersecretary ug Chief of Staff.

Pinaagi sa social media post niini, gipa-ambit ni Atty. Bathan ang iyahang dakong pasalamat ngadto sa mga mihatag og suporta, pagsalig ug kumpyansa kaniya alang sa naasoy nga mga posisyon.

Subay niini, nangayo kini pag-ampo sa tanan alang sa iyahang pagta-ak sa laing dalan sa pagserbisyo sa Pilipinas ubos sa departamento sa turismo.

Si Atty. Bathan kay kanhi IBP Eastern Visayas Chapter President, ingon man College of Law Assistant Dean sa University of San Jose Recoletos.